ಭರವಸೆಯ ಬೆಳಕೊ೦ದು ಕಾಣುತಲಿದೆ ಇ೦ದು
ಸಹಜತೆಗೆ ಮತ್ತೆ ಬದುಕನೊಯ್ಯುವಾ ಬಿ೦ದು || ೧ ||
ಹೊಸವರ್ಷ ನಾ೦ದಿಗೆ ಸರಿದು ಕಾರ್ಮೋಡವಿದು
ಸಡಿಲಗೊಳಲಿ ಪ್ರ ಕೃತಿಯಾ ಬಿಗಿಮುಷ್ಟಿಯದು || ೨ ||
ಮತ್ತೆ ಕೇಳಿ ಬರಲಿ ನಗುವು ಶಾಲೆಯ ಅ೦ಗಳದೆ
ಸಂಭ್ರಮವದು ಮರಳಿ ಬರಲಿ ಹಬ್ಬ-ಹರಿದಿನದೆ || ೩ ||
ಅಳ್ತಿಯಲಿ ಬಿಗಿದಪ್ಪಲಿ ಅಜ್ಜಿ ತಾ ಕುಡಿಗಳನು
ಅ೦ಜದೆ ಹೀರಲಿ ಅಜ್ಜ ವನದ ತ೦ಬೆಲರನು || ೪ ||
ನಿತ್ಯ ಕೂಳಿನ ದುಡಿಮೆ ನಿಲದಿರಲಿ ಬಡವ೦ಗೆ
ಸಾ೦ತ್ವನವದು ದೊರಕಲಿ ನೊ೦ದ ಜೀವಗಳಿಗೆ || ೫ ||
ಅರಿವಾಗಲಿ ಎಮಗೆ ನಿಜ ಸ್ವಾತ೦ತ್ರದ ಅರ್ಥ
ಊಹೆಗೂ ಮೀರಿದ ಈ ಉಡುಗೊರೆಯ ಗಾತ್ರ|| ೬ ||
ನೆನೆದುಪಕಾರವ ಉಣಿಸಿ ಉಳಿಸಿ ರಕ್ಷಿಸಿದವರ
ಹೊಸ ಚಿಗುರು ಹಸಿರಾಗಿಸಲೆಲ್ಲರ ಕನಸುಗಳ || ೭ ||
ಪ್ರಕೃತಿಯಾರ೦ಗದಲಿ ತೂಗುಗೊ೦ಬೆಗಳು ನಾವು
ಅರಿಯೋಣ ಪಾತ್ರವನು ಮೂಲಹಮ್ಮೆಲ್ಲಾ ತೊರೆದು || ೮ ||
